నవతెలంగాణ-జూబ్లిహిల్స్‌
             దేశవ్యాప్తంగా ఉన్న వైద్యుల కోసం క్లినికల్‌ ఇంటెలిజెన్స్‌ ఇంజిన్‌ (సిఐఇ)ను అపోలో హాస్పిటల్స్‌ విడుదల చేసింది. క్లినికల్‌ నిర్ణయాలకు మద్దతు ఇవ్వడానికి, ప్రైమరీ కేర్‌, కండిషన్‌ మేనేజ్‌మెంట్‌, హౌమ్‌ కేర్‌, వెల్నెస్‌లలో సహాయం చేయడానికి రూపొందించారు. అపోలో సీఈఈ దేశంలోని ప్రతి అర్హత గల, ప్రాక్టీస్‌ చేసే వైద్యుడికి అందుబాటులో ఉంటుంది. ఈ సందర్భంగా అపోలో జాయింట్‌ డైరెక్టర్‌ డాక్టర్‌ సంగీతారెడ్డి మాట్లాడు తూ ఆసియాలోనే అతిపెద్ద, అత్యంత విశ్వసనీయమైన ఆరోగ్య సంరక్షణ ప్రదాతలలో ఒకటైన అపోలో హాస్పిటల్స్‌ గ్రూప్‌, అపోలో క్లినికల్‌ ఇంటెలిజెన్స్‌ ఇంజన్‌ పేరుతో అపోలో 24/7 ఫ్లాట్‌ఫామ్‌లో యావత్‌ భారతదేశంలోని వైద్యులకు అందుబాటులో ఉండేలా ఒక క్లినికల్‌ డెసిషన్‌ సపోర్ట్‌ టూల్‌ను ప్రారంభించినట్టు ప్రకటించింది. ఆర్టిఫిషి యల్‌ ఇంటెలిజెన్స్‌ (ఎఐ), మెషిన్‌ లెర్నింగ్‌ (ఎమ్‌ఎల్‌)లోని తాజా సాంకేతికతలను ఉపయోగించి అభివృద్ధి చేయబడి న ఈ టూల్‌, రోగనిర్ధారణ ఖచ్చితత్వం, వైద్యుల ఉత్పాద కత, రోగి సంతృప్తిని అన్నింటినీ ఒకేసారి పెంచడం ద్వారా భారతీయ ఆరోగ్య సంరక్షణలో విప్లవాత్మక మార్పులకు నాంది పలకనున్నది. వైద్య నిపుణులు కొన్ని సార్లు మర్చిపో యిన నమూనాలను గుర్తించడంలో సహాయపడటానికి విస్తారమైన డేటాను ఈ క్లినికల్‌ ఇంటెలిజెన్స్‌ ఇంజిన్‌ సమర్దంగా విశ్లేషించగలదు. సంఖ్యాపరంగా చెప్పాలంటే, ఇంటెలిజెన్స్‌ ఇంజిన్‌ దాని పదజాలంలో 1300కి పైగా పరిస్థితులు, 800 లక్షణాలను కలిగి ఉన్నది, ఓపీడీ (ఔట్‌ పేషెంట్‌ డిపార్ట్‌మెంట్‌)లలో 95శాతం రోజువారీ కేస్‌ మిక్స్‌ను ఇది కవర్‌ చేస్తుంది. అపోలో నుంచి 40 ఏండ్ల డేటాను, 1000 మంది వైద్యుల సామూహిక మేధస్సును ఉపయోగించి 100 మందికి పైగా ఇంజినీర్లు దీన్ని నిర్మించారు. పీర్‌-రివ్యూడ్‌ జర్నల్స్‌ నుంచి సేకరించిన సపోర్టింగ్‌ డేటాతో పాటు, కొన్ని ప్రపంచ విద్యాసంస్థల ద్వారా పరీక్షించబడిన, దృవీకరించబడిన, ప్రపంచంలోని అతిపెద్ద కనెక్ట్‌ చేయబడిన ఆరోగ్య డేటా నిర్మాణాలలో ఇది ఒకటి. దక్షిణాసియా ప్రాంతం కోసం ప్రత్యేకంగా రూపొందించబడిన ఈ స్వదేశీ సాంకేతికత 500 మందికి పైగా అపోలో వైద్యులు, నిపుణులతో కూడిన అంతర్గత బృందంతో నిర్మించబడిన, నిర్వహించబడే, క్రమానుగతంగా సమీక్షించబడే నాలెడ్జ్‌ బేస్‌ ద్వారా అందించబడుతుంది. ఇది డిఫరెన్షియల్‌ డయాగసిస్‌ పరిస్థితులలో సహాయపడు తుంది. మద్దతు ఇస్తుంది. వైద్యులు మరింత త్వరగా, ఖచ్చితమైన మెరుగైన క్లినికల్‌ ఫలితాలు ఉండటానికి వీలు కల్పిస్తుంది. అపోలో హాస్పిటల్స్‌ గ్రూప్‌ చైర్మెన్‌ డాక్టర్‌ ప్రతాప్‌ సి. రెడ్డి అపోలో క్లినికల్‌ ఇంటెలిజెన్స్‌ ఇంజిన్‌ను వైద్యులందరికీ అంకితం చేస్తూ, ''నాకు 90 ఏండ్లు వచ్చేసరికి, ఆసియాలోనే అతిపెద్ద ఓమ్ని చానెల్‌ హెల్త్‌కేర్‌ ఎకోసిస్టమ్‌లో ఒకదాన్ని నిర్మించే అవకాశం లభించినందుకు నేను చాలా సంతోషిస్తున్నాను. దేశాన్ని, ప్రత్యేకించి మధుమేహం, గుండె జబ్బులు, క్యాన్సర్‌ వంటి అసంక్రమిత వ్యాధుల (ఎన్‌సిడిలు) భారీ సునామీని మనం ఎదుర్కొంటున్నప్పుడు నిజంగా దేశాన్ని ఆరోగ్య వంతమైనదిగా మార్చడానికి మరింత చేయాలన్నదే నా కోరిక. మా టీమ్‌ క్లినికల్‌ ఇంటెలిజెన్స్‌ ఇంజిన్‌ను రూపొందించినప్పుడు, ఇది మనకు తెలిసిన ఆరోగ్య సంరక్షణలో విప్లవాత్మకమైన పురోగతి అని నాకు తెలుసు. సీఈఈని కేవలం అపోలోకే పరిమితం చేయడం సాధ్యం కాదు, దేశవ్యాప్తంగా ఉన్న వైద్యులతో భాగస్వామ్యం చేయాల్సిన అవసరం ఎంతైనా ఉంది. అందువల్ల దేశంలోని ప్రతి అర్హత కలిగిన, ప్రాక్టీస్‌ చేస్తున్న వైద్యుడికి అపోలో సీఈఈని అందుబాటులోకి తెచ్చినందుకు నాకు చాలా సంతోషంగా ఉంది. మనమంతా కలిసి, భౌగోళిక, ప్రాంతీయ లేదా ఆదాయ విభజనలకు అతీతంగా సమయానుకూలంగా, మరింత ఖచ్చితమైన రోగనిర్ధారణ ద్వారా భారతీయులను ఆరోగ్యవంతులుగా మార్చగలమని నేను ఖచ్చితంగా అనుకుంటున్నాను'' అని తెలిపారు.