నవతెలంగాణ - వైరా టౌన్‌
వైరా మండలం రెబ్బవరం గ్రామంలో ఇటీవల మరణించిన సిపిఐ(ఎం) పార్టీ సీనియర్‌ నాయకులు కామ్రేడ్‌ తూము వెంకయ్య కుటుంబ సభ్యులకు సిపిఐ (ఎం) రాష్ట్ర కార్యదర్శి తమ్మినేని వీరభద్రం గురువారం పరామర్శించారు. తూము వెంకయ్య చిత్రపటానికి పూలమాలలు వేసి నివాళులర్పించారు. అనంతరం తూము వెంకయ్యకు ముగ్గురు కుమారులు తూము సురేష్‌, తూము సధాకర్‌, తూము అశోక్‌ కుటుంబ సభ్యులను తన ప్రగాఢ సానుభూతి వ్యక్తం చేశారు. వీరిలో తుము సుధాకర్‌ సిపిఐ (ఎం) వైరా రూరల్‌ మండల కార్యదర్శివర్గ సభ్యునిగా పనిచేస్తున్నారు. ఈ సందర్భంగా సిపిఐ (ఎం) రాష్ట్ర కార్యదర్శి తమ్మినేని వీరభద్రం మాట్లాడుతూ తూము వెంకయ్య పార్టీ పట్ల విశ్వాసంతో, నిబద్ధతతో పని చేసేవారిని, తూము వెంకయ్య తన కుటుంబాన్ని పార్టీ కుటుంబంగా తీర్చి దిద్దారని కొనియాడారు. తూము వెంకయ్య మరణం పార్టీకి తీరని లోటని అన్నారు. తూము వెంకయ్య కుమారులు తండ్రి వారసత్వాన్ని కొనసాగిస్తూ పార్టీని బలోపేతం చేయడానికి కషి చేయాలని కోరారు. అనంతరం అనారోగ్యంతో బాధపడుతున్న నవతెలంగాణ ఉద్యోగి తాల్లూరి నాగేశ్వరరావు అమ్మగారు తాల్లూరి సరస్వతిని పరామర్శించారు. కార్యక్రమంలో సిపిఐ(ఎం) రాష్ట్ర కార్యదర్శి తమ్మినేని వీరభద్రం, రాష్ట్ర కార్యదర్శి వర్గ సభ్యులు పోతినేని సుదర్శన్‌, జిల్లా కార్యదర్శి నున్నా నాగేశ్వరరావు, జిల్లా కార్యదర్శి వర్గ సభ్యులు బొంతు రాంబాబు, వైరా మండల కార్యదర్శి తోట నాగేశ్వరరావు, తూము వెంకటేశ్వరరావు రాయి నాగేశ్వరరావు, కొత్త రోహిణి, నాగయ్య తాళ్ళూరి నాగేశ్వరరావు, బత్తుల సుబ్బారావు, పాల్గొన్నారు.
వధూవరులను ఆశీర్వదించిన తమ్మినేని
కల్లూరు : పెనుబల్లి మండల నవతెలంగాణ విలేకరి అరుణప్రతాప్‌, నాగమణి దంపతుల కుమారుడు శ్రీనిధి, ప్రియాంక వివాహానికి సిపిఎం రాష్ట్ర కార్యదర్శి తమ్మినేని వీరభద్రం హాజరై ఆశీర్వదించారు.కల్లూరు మండలం దారుగుబంజర గ్రామానికి చెందిన ప్రియాంకతో వివాహం ఊట్కూరులో గురువారం రాత్రి జరిగింది. కార్యక్రమంలో సీపీఎం రాష్ట్ర కార్యవర్గ సభ్యులు పోతినేని సుదర్శన్‌, జిల్లా కార్యదర్శి నున్నా నాగేశ్వరరావు సీఐటియు జిల్లా ప్రదాన కార్యదర్శి కళ్యాణ వెంకటేశ్వరరావు, పెనుబల్లి సీపీఎం జిల్లా కమిటీ సబ్యులు చలమల విఠల్‌, తన్నీరు కృష్ణార్జునరావు, పాండురంగారావు, జాజిరి శ్రీనివాసరావు తదితరులు వధూవరులను ఆశీర్వదించి శుభాకాంక్షలు తెలిపారు.
