- గూడెం జిల్లా కోర్ట్‌ ప్రారంభోత్సవ
- సన్నాహక సమావేశంలో అధ్యక్షుడు రాంప్రసాద్‌ రావు
నవతెలంగాణ-కొత్తగూడెం లీగల్‌
రాష్ట్ర వ్యాప్తంగా జరుగుతున్న నూతన జిల్లాల కోర్టులు ప్రారంభోత్సవంలో భాగంగా జూన్‌ 2న కొత్తగూడెం జిల్లా కోర్టు ప్రారంభం కానుందని బార్‌ అసోసియేషన్‌ అధ్యక్షులు అనుబ్రోలు రాం ప్రసాద్ రావు అన్నారు. మంగళవారం బార్‌ అసోసియేషన్‌ ఆధ్వర్యంలో జరిగిన నూతన కోర్టు ప్రారంభోత్సవ సన్నాహక సమావేశంలో ఆయన మాట్లాడుతూ సీఎం కేసీఆర్ అన్ని నూతన జిల్లాలలో కోర్టుల ఏర్పాటుకు ఆదేశాలు ఇచ్చారన్నారు. ఈ సందర్భంగా జిల్లా కోర్టు ఏర్పాటు కోసం సన్నాహక సమావేశాన్ని ఏర్పాటు చేసుకుని ఆహ్వాన కమిటీ, ఫండ్స్‌ కమిటీ, డయాస్‌ కమిటీ, ఫుడ్‌ కమిటీ, డెకరేషన్‌ కమిటీ, తదితర కమిటీలను నియమించినట్టు తెలిపారు. సీనియర్‌ న్యాయవాదులు వట్టి కొండ సురేష్‌ బాబు, పలివెల సాంబశివరావు, కటకం పుల్లయ్య, రమేష్‌ కుమార్‌ మక్కడులు జిల్లా కోర్టు ప్రారంభోత్సవ కార్యక్రమం విజయవంతానికి కావలసిన దిశానిర్దేశం చేసి తమ వంతు సహకారం చేస్తావని వారు సభా ముఖంగా హామీ ఇచ్చారు. ఈ సమావేశంలో బార్‌ అసోసియేషన్‌ సహాయ కార్యదర్శి మునిగడప వెంకటేశ్వర్లు, క్రీడలు సాంస్కృతిక విభాగం కార్యదర్శి కన్నెకంటి శ్రీధర్‌, లైబ్రేరియన్‌ సెక్రటరీ ఆర్తి మక్కడు, సీనియర్‌ న్యాయవాదులు వై.బాబురావు, గంట వీరభద్ర రావు, తోట మల్లేశ్వరరావు, వి.సుధాకర్‌ రావు, సింగ్‌ ఉపేందర్‌, తదితరులు పాల్గొన్నారు.
