- పట్టణంలో పండుగ వాతావరణం
- వినీలాకాశంలో నాయకుల స్వాగత బెలూన్లు
నవతెలంగాణ- సత్తుపల్లి
            రాజ్యసభ సభ్యులు బండి పార్థసారధిరెడ్డి, వద్దిరాజు రవిచంద్రలు నేడు (శుక్రవారం) సత్తుపల్లికి ఆగమన సందర్భంగా స్థానిక ఎమ్మెల్యే సండ్ర వెంకటవీరయ్య నేతృత్వంలో టీఆర్‌ఎస్‌ శ్రేణులు భారీస్థాయిలో స్వాగత ఏర్పాట్లు చేస్తున్నారు. స్థానిక వెంగళరావునగర్‌ ప్రారంభం నుంచి పాతసెంటరు వరకు నాలుగు మీటర్ల పొడవునా గులాబీ జెండాలు, నాయకుల ఫ్లెక్సీలు, తోరణాలతో ప్రధాన రహదారిని గులాబీమయం చేశారు. ప్రధాన కూడళ్ల వద్ద ఆకాశంలో రాజ్యసభ సభ్యులకు స్వాగతం పలుకుతున్న బెలూన్లను ఎగుర వేశారు. రింగుసెంటరు గులాబీ వర్ణమయంతో కళకళలాడుతోంది. అంబేద్కర్‌ సర్కిల్‌ వద్ద ఎంపీల చిత్రాలతో ఏర్పాటు చేసిన భారీ గుండ్రని ఫ్లెక్సీ అటుగా వచ్చే వారిని ఆకర్షిస్తోంది. జేవీఆర్‌ డిగ్రీ కళాశాల మైదానంలో ఏర్పాటవుతున్న సభా వేదిక ప్రాంగణమంతా కేసీఆర్‌, కేటీఆర్‌, సండ్ర, బండి, వద్దిరాజుల కటౌట్లు, గులాబీ జెండాలతో సుంద రంగా ముస్తాబవుతోంది. తెల్లారే గులాబీ వర్ణ శోభితం రెట్టింపయ్యే అవకాశం ఉంది.