- హాజరు కానున్న రాష్ట్ర ముఖ్యమంత్రి
- కలెక్టర్‌ అనుదీప్‌, ఎస్పీ వినీత్‌తో ఎమ్మెల్యే రేగా భేటీ
నవతెలంగాణ-కొత్తగూడెం
భద్రాద్రి కొత్తగూడెం జిల్లాలో నూతనంగా నిర్మించిన కలెక్టరేట్‌, నూతనంగా నిర్మించిన బిఆర్‌ఎస్‌ పార్టీ కార్యాలయ ప్రారంభానికి రాష్ట్ర ముఖ్యమంత్రి కె.చంద్రశేఖర రావు త్వరలో జిల్లాకు రానున్నారని, ఈ సందర్భంగా జిల్లా కలెక్టర్‌ దురిశెట్టి అనుదీప్‌, జిల్లా ఎస్పీ డాక్టర్‌ వినీతలను రాష్ట్ర ప్రభుత్వ విప్‌, భద్రాద్రి కొత్తగూడెం బిఆర్‌ఎస్‌ పార్టీ జిల్లా అధ్యక్షుడు రేగా కాంతారావు బుధవారం ప్రత్యేకంగా భేటీ అయ్యారు. కలెక్టరేట్‌ కార్యాలయంలో జిల్లా కలెక్టర్‌ దురిశెట్టి అనుదీప్‌ను, జిల్లా ఎస్పీ కార్యాలయం నందు ఎస్పీ డాక్టర్‌ వినీత్‌.జి. ను బుధవారం రేగా ప్రత్యేక సమావేశం అయ్యారు. ఈ సందర్భంగా జిల్లా కేంద్రంలో సీఎం కేసీఆర్ చేతుల మీదుగా సమీకృత కలెక్టరేట్‌ భవనం, బీఆర్‌ఎస్‌ పార్టీ కార్యాలయం ప్రారంభోత్సవాలు ఉంటాయన్నారు. త్వరలో సీఎం కెసిఆర్‌ పర్యటన నేపథ్యంలో కార్యక్రమాలు విజయవంతం చేసేదందుకు అందరు సమన్వయంతో కృషి చేయాలని వీలైనంత త్వరగా ఏర్పాట్లు పూర్తి చేయాలన్నారు. సీఎం కేసీఆర్ లక్ష మందితో భారీ బహిరంగ సభ నిర్వహించే అవకాశాలు ఉన్న నేపథ్యంలో, సాధారణ ప్రజలకు ఎలాంటి ఇబ్బందులు కలగకుండా ఉండేందుకు, ఏర్పాట్ల గురించి సుదీర్ఘంగా చర్చించడం జరిగింది.
