నవతెలంగాణ- సత్తుపల్లి
సత్తుపల్లికి చెందిన ఆశాఖాన్‌ ఫౌండేషన్‌ సేవా కార్యక్రమాలను ప్రోత్సాహించే కార్యక్రమంలో భాగంగా సత్తుపల్లి ఎమ్మెల్యే సండ్ర వెంకటవీరయ్య బుధవారం రదుప్పట్లు, శాలువాలను అందించారు. ఈ సందర్భంగా సండ్ర మాట్లాడుతూ ఆశాఖాన్‌ ఫౌండేషన్‌ చేస్తున్న సేవా కార్యక్రమాలకు చేయూతగా నిలిచేందుకు వారికి దుప్పట్లు, శాలవాలను అందజేస్తున్నామన్నారు. సత్తుపల్లి నియోజకవర్గ పరిధిలో సేవా దృక్పధంతో పనిచేస్తున్న స్వచ్ఛంద సేవా సంస్థలకు ఎప్పుడు అండగా ఉంటామన్నారు. కరోనా విపత్కర సమయంలో సత్తుపల్లిలోని స్వచ్ఛంద సేవా సంస్థలు చేసిన సేవలు మరువలేనివని ఎల్లప్పుడూ వారికి చేయూతగా నిలుస్తామన్నారు. ఆశాఖాన్‌ ఫౌండేషన్‌ దుప్పట్ల పంపిణీ కార్యక్రమం చేపట్టారని సమాచారం మేరకు వారికి చేయూతగా నిలిచేందుకు వీటిని అందజేయడం జరుగుతుందన్నారు. సేవలు చేసే స్వచ్ఛంద సేవ సంస్థలకు సహాయ సహకారాలు అందించాలని కాంక్షతో గతఆగస్టు 15న సత్తుపల్లిలోని అన్ని స్వచ్ఛంద సంస్థలను సత్కరించి, ఆశాఖాన్‌ స్వచ్ఛంద సంస్థకు రూ.50 వేలు అందించామన్నారు. స్థానిక క్యాంపు కార్యాలయంలో జరిగిన ఈ కార్యక్రమంలో జిల్లా గ్రంథాలయ సంస్థ ఛైర్మన్‌ కొత్తూరు ఉమామహేశ్వరరావు, మున్సిపల్‌ ఛైర్మన్‌ కూసంపూడి మహేశ్‌, టీఆర్‌ఎస్‌ పట్టణ అధ్యక్ష, కార్యదర్శులు ఎస్కే రఫీ, మల్లూరు అంకమరాజు, కౌన్సిలర్‌ అద్దంకి అనిల్‌ కుమార్‌, నాయకులు మొహమ్మద్‌ గఫార్‌, గాయం రాంబాబు పాల్గొన్నారు.
