నవతెలంగాణ-బూర్గంపాడు
               బూర్గంపాడు మండల కేంద్రంలోని ఎస్సీ బాలికల వసతి గృహంలో విద్యార్థులకు గురువారం భద్రాచలంకు చెందిన కొదుమూరు పుల్లయ్య జ్ఞాపకార్థం ఆయన కుమారుడు కొదుమూరు సత్యానందం, బూర్గంపాడు సొసైటీ డైరెక్టర్‌ బొల్లు రవి ఆహ్వానం మేరకు బుధవారం బెడ్‌ షీట్లు అందజేశారు. వసతి గృహంలోనే బాలికలందరికి బెడ్‌ షీట్లు అందించారు. ఈ సందర్భంగా ఆయన మాట్లాడుతూ తన తండ్రి జ్ఞాపకార్థం విద్యార్థులకు బెడ్‌ షీట్లు అందించడం ఆనందంగా ఉందని ఆయన అన్నారు. ఈ కార్యక్రమంలో బూర్గంపాడు సొసైటీ డైరెక్టర్‌ బొల్లు రవి, కోదుమూరు శ్రీకాంత్‌, వసతి గృహం వార్డెన్‌ స్వప్న, ప్రధానోపాధ్యాయులు, ఉపాధ్యాయులు , విద్యార్థులు తదితరులు పాల్గొన్నారు.