నవతెలంగాణ-పాల్వంచ
ప్రజలను ఆకట్టుకునేలా ఫైనాన్స్‌ చిట్ ఫండ్స్ ప్రాంతీయ కార్యాలయాలు మీకు ఉన్న అవసరాలకు డబ్బు అవసరం ఉంటే మీ అవసరాలకు మేము తీరుస్తాం మీకు ఉపయోగపడేలా మా మా చిట్ఫండ్ మీ వెన్నంటి ఉంటుందని ప్రారంభ సమయాలలో వారు ప్రచారాలు చేసుకుంటారు. అనంతరం కొన్ని నెలలు తర్వాత అమాయక ప్రజల నుండి కోట్లు రూపాయలు వసూలు చేసి బోర్డులు తిప్పేసిన చిట్‌ఫండ్లు కొన్ని అయితే మరికొన్ని చిట్ ఫండ్‌ సభ్యులు తమ అవసరాలకు పాడుకుంటే నెలలు సంవత్సరాలు పాటు చిట్ డబ్బులు ఇవ్వకుండా తిప్పించుకునేవి మరికొన్ని ఈ కోవకు చెందినదే పాల్వంచలోని అక్షర చిట్ ఫండ్‌ ఏజెంట్లకు కమిషన్లు అధికంగా ఇస్తూ కస్టమర్లకు ఆఫర్ల మీద ఆఫర్లు ఇస్తామని తమ సొమ్ము మావద్ద భద్రంగా ఉంటుందని మాయ మాటలు చెప్పి భద్రాద్రి కొత్తగూడెం జిల్లా పాల్వంచలోని అక్షర చిట్స్‌లో ఘరానా మోసం బట్టబయలు అయింది. పొదుపు పేరు చెప్పి అక్షర చిట్ ఫండ్‌ నిర్వాహకులు నిండా ముంచేశారని బాధితులు ఆవేదన వ్యక్తం చేస్తున్నారు. అక్షరా చిట్ ఫండ్స్‌లో చిట్టిపాట పాడుకున్న ఖాతాదారులకు సకాలంలో డబ్బులు తిరిగి చెల్లించకపోవడం వలన చిట్ ఫండ్‌ ఆఫీస్‌ ముందు ఖాతాదారులు ఆందోళనకు దిగారు. చిట్టి పాడి నెలలు గడుస్తున్న తమకు రావలసిన డబ్బులు ఇవ్వకుండా కాలయాపన చేస్తున్నారని ఆగ్రహించిన ఖాతాదారులు అక్షర చిట్ఫండ్ కార్యాలయానికి తాళం వేసారు. తమకు న్యాయం జరిగేదాకా తాళం తీసే ప్రసక్తేలేదని ఖాతాదారులు ఆవేదన వ్యక్తం చేసారు.
