నవతెలంగాణ-దుమ్ముగూడెం
మండలంలోని లక్ష్మీనగరం గ్రామంలో గల గిరిజన బాలికల వసతి గృహంలో మంగళవారం ఆయుష్‌ వైద్య శిబిరం నిర్వహించారు. తెలంగాణ వైద్య ఆరోగ్య ఆయుష్‌ విభాగం రీజినల్‌ డిప్యూటీ డైరెక్టర్‌ రవి నాయక్‌ ఆదేశాల మేరకు ఆర్లగూడెం ఆయుర్వేద వైద్యాధికారిణి ఉషారాణి, నర్సాపురం ఆయుష్‌ వైద్యాధికారిణి జ్యోతిలు విద్యార్దులకు వైద్య పరీక్షలు నిర్వహించి ఉచితంగా మందులు అందజేశారు. ఈ సందర్బంగా యోగా పై విద్యార్దులకు అవగాహన కల్పించడంతో పాటు ఆరోగ్యం పట్ల శ్రద్ద వహించాలని తెలిపారు. ఈ సందర్బంగా ఆరోగ్య కర పుస్తకాలను ఆవిష్కరణ చేశారు. ఈ కార్యక్రమంలో పాఠశాల ప్రదానోపాద్యాయురాలు ధనసరి నాగమణి, పారా మెడికల్‌ సిబ్బంది కందుల వీరభద్రం తదితరులు పాల్గొన్నారు.