నవతెలంగాణ-అమీన్‌పూర్‌
నూతనంగా ఏర్పాటు అవుతున్న కాలనీల్లో సమస్యల పరిష్కారానికి కృషి చేస్తున్నామని అమీన్‌పూర్‌ మున్సిపల్‌ చైర్మన్‌ తుమ్మల పాండురంగారెడ్డి తెలిపారు. అమీన్‌పూర్‌ మున్సిపల్‌ పరిధిలోని ఏఆర్‌ బృందావన్‌ కాలనీలో శనివారం ఆయన పర్యటించారు. ఈ సందర్భంగా కాలనీ వాసులతో నేరుగా మాట్లాడి వాళ్ళు ఎదుర్కొంటున్న సమ స్యలను అడిగి తెలుసుకున్నారు. ప్రధానంగా వర్షాకాలంలో వరద నీరు మూలంగా తీవ్ర ఇబ్బందులు ఎదుర్కొంటున్నట్లు కాలనీ వాసులు చైర్మెన్‌ దృష్టికి తీసుకువచ్చారు. అనంతరం ఆయన మాట్లాడుతూ కాలనీలో మౌలిక వసతులు కల్పనకు నిధులు కేటాయించనున్నట్లు తెలిపారు. వరద నీరు సమ స్యకు శాశ్వత పరిష్కారం చూపనున్నట్లు పేర్కొన్నారు. కాల నీ సంక్షేమ సంఘం ప్రతినిధులు, తదితరులు పాల్గొన్నారు.