- సీపీఐ నియోజకవర్గ సహాయ కార్యదర్శి అందె అశోక్‌
నవతెలంగాణ-చేర్యాల
              అర్హులైన పేదలకు వెంటనే రేషన్‌ కార్డులు పంపిణీ చేయాలని సీపీఐ జనగామ నియోజకవర్గ సహాయ కార్యదర్శి అందె అశోక్‌ ప్రభుత్వాన్ని డిమాండ్‌ చేశారు. మండల పరిధిలోని ఆకునూరు గ్రామంలో ఆదివారం రేషన్‌ కార్డులు లేని పలువురు పేదలను కలిసి వారి సమస్యలను అడిగి తెలుసుకున్నారు. ఈ సందర్భంగా అశోక్‌ మాట్లాడుతూ రేషన్‌ కార్డుల కోసం దరఖాస్తు లు చేసుకొని సంవత్సరాలు గడుస్తున్నా మంజూరుకు నోచుకోకపోవడం అధికారులు, పాలకుల అసమర్ధత పాలనకు నిదర్శనమని అన్నారు. వివాహం చేసుకున్న వారు, జన్మించిన కుటుంబ సభ్యులను కూడా కార్డులో చేర్చుకునే అవకాశం కల్పించకపోవడం ఏంటని ప్రభుత్వాన్ని ప్రశ్నించారు. పేద మధ్యతరగతి బడుగు బలహీన వర్గాలకు చెందిన ప్రజలకు రేషన్‌ కార్డులు లేకపోవడంతో ప్రభుత్వం పంపిణీ చేసే బియ్యం, సరుకులు, ఇతర సంక్షేమ పథకాలు అందకుండా దుర్భర జీవనం గడుపుతున్నారని ఆవేదన వ్యక్తంచేశారు.ప్రభుత్వం ఆలోచించి రేషన్‌ కార్డులు లేని వారికి వెంటనే కార్డులు మంజూరు చేయాలని డిమాండ్‌ చేశారు.ఈకార్యక్రమంలో సీపీఐ సీనియర్‌ నాయకులు బూర సీతారామయ్య, సంగిశెట్టి వెంకట్‌, జిడ్డి లచ్చయ్య, జిడ్డి సారయ్య, జిడ్డి వెంకటేష్‌, కరుణాకర్‌, స్వరూప, సారమ్మ, తదితరులు పాల్గొన్నారు.