నవతెలంగాణ- చిట్యాల
           నల్లగొండ లో ఈ నెల 27న జరిగే రైతు సంఘం బహిరంగ సభను విజయవంతం చేయాలని చిట్యాల మాజీ సర్పంచ్‌ జిట్ట నగేష్‌ కోరారు. శుక్రవారం మండలంలోని గుండ్రాంపల్లి గ్రామంలో నిర్వహించిన రైతు సంఘం సమావేశంలో ఆయన మాట్లాడారు.బహిరంగ సభకు రైతు సంఘం జాతీయ అధ్యక్షులు డా,అశోక్‌ ధావలే, ప్రదాన కార్యదర్శి హన్నన్‌ మెల్లా హాజరుకానున్నట్లు తెలిపారు. అనంతరం పోస్టర్లు ఆవిష్కరించారు. కార్యక్రమంలో రైతు సంఘం జిల్లా నాయకులు అరూరి శీను, వ్యవసాయ కార్మిక సంఘం రాష్ట్ర నాయకులు కత్తుల లింగస్వామి, రైతు సంఘం నాయకులు బీమిడి చంద్రారెడ్డి, యం డి జహంగీర్‌, కత్తుల యాదయ్య, లక్ష్మయ్య తదితరులు పాల్గొన్నారు.