న్యూఢిల్లీ : విమర్శకుల ప్రశంసలు పొందిన జై భీమ్‌ చిత్రం 9వ నోయిడా ఇంటర్నేషనల్‌ ఫిల్మ్‌ ఫెస్టివల్‌కు ఎంపికై ఉత్తమ చిత్రంగా నిలిచింది. సూర్య, లిజ్మోల్‌ జోస్‌కు ఉత్తమ నటుడు, ఉత్తమ నటి అవార్డులు వచ్చాయి. సూర్య నటించిన ఈ చిత్రం ఇటీవలే ఆస్కార్‌కి చేరుకుంది. తాజా వార్తతో సూర్య అభిమానులతో పాటు చిత్రబందం కూడా సంతోషం వ్యక్తం చేస్తున్నారు.అణగారిన, పేదల కోసం పాటుపడే లాయర్‌ చంద్రూ పాత్రలో సూర్య ఈ సినిమాలో అదరగొట్టారు. నిజ జీవిత ఘటనల ఆధారంగా తెరకెక్కిన ఈ చిత్రం విడుదలై అన్ని భాషల్లో సూపర్‌ రెస్పాన్స్‌ దక్కించుకుంది. ముఖ్యంగా ఈ సినిమాలో లాయర్‌ చంద్రూగా సూర్య నటన హైలెట్‌. మిగతా పాత్రల్లో నటించిన వాళ్లు నటించారనే కంటే ఆయా పాత్రలో లీనమై జీవించారు.