కమల్‌ హాసన్‌, లోకేష్‌ కనగరాజ్‌ కాంబినేషన్‌లో తెరకెక్కుతున్న యాక్షన్‌ థ్రిల్లర్‌ 'విక్రమ్‌'. ఇటీవల రిలీజైన యాక్షన్‌ ప్యాక్డ్‌ టీజర్‌ సినిమాపై భారీ అంచనాలను పెంచింది. ఈ చిత్ర ప్రమోషనల్‌ కంటెంట్‌ కూడా ప్రేక్షకులను విశేషంగా అలరిస్తోంది. లేటెస్ట్‌గా ఈ సినిమాకి సంబంధించి మ్యూజికల్‌ ప్రమోషన్స్‌ గ్రాండ్‌గా మొదలయ్యాయి. ఇందులో భాగంగా ఫస్ట్‌ సింగిల్‌గా 'పతళ పతళ' అనే పాటని ఇటివలే విడుదల చేశారు. ఈ పాటకు అన్నివర్గాల ప్రేక్షకుల నుండి అద్భుతమైన రెస్పాన్స్‌ వచ్చింది.
అనిరుధ్‌ రవిచందర్‌ మాస్‌, బాస్‌ నెంబర్‌గా ఈ పాటని డిజైన్‌ చేశారు. అదిరిపోయే బీట్‌, మాస్‌ స్టెప్పులతో థియేటర్‌లలో ఫ్యాన్స్‌ పండగ చేసుకునేలా ఉందీ పాట. ఈ పాటలో కమల్‌ హాసన్‌ తన మార్క్‌ డ్యాన్స్‌ మూమెంట్స్‌తో వింటేజ్‌ గ్రేస్‌ చూపించారు. ఈ పాటకు కమల్‌ హాసన్‌ సాహిత్యం అందించడంతో పాటు ఆయనే పాటని ఆలపించడం మరో ప్రత్యేకత.
తాజాగా ఈ చిత్ర ట్రైలర్‌ రిలీజ్‌ డేట్‌ని ఫిక్స్‌ చేశారు నిర్మాతలు. ఈనెల 16న చెన్నైలో 'విక్రమ్‌' థియేట్రికల్‌ ట్రైలర్‌, ఆడియోని గ్రాండ్‌గా విడుదల చేస్తున్నారు.
ఈ చిత్రంలో విజరు సేతుపతి విలన్‌గా నటిస్తుండగా, ఫహద్‌ ఫాజిల్‌ మరో పవర్‌ ఫుల్‌ పాత్రలో కనిపించనున్నారు. కమల్‌ హాసన్‌ హీరోగా నటించడమే కాకుండా, రాజ్‌ కమల్‌ ఫిల్మ్స్‌ ఇంటర్నేషనల్‌ బ్యానర్‌పై ఆర్‌ మహేంద్రన్‌తో కలిసి ఈ చిత్రాన్ని నిర్మిస్తున్నారు.
ప్రధాన తారాగణంలో పాటు కాళిదాస్‌ జయరామ్‌, నరైన్‌, అర్జున్‌ దాస్‌, శివాని నారాయణన్‌ ఈ చిత్రంలో ఇతర కీలక పాత్రలలో కనిపించనున్ననారు. ఈ సినిమా జూన్‌ 3న ప్రపంచ వ్యాప్తంగా భారీ విడుదలకు సిద్దమౌతుంది.
'గతంలో ఎన్నడూ చూడని రీతిలో కమల్‌హాసన్‌ని ప్రేక్షకులు, ఆయన అభిమానులు చూడబోతున్నారు. పవర్‌ఫుల్‌ యాక్షన్‌ ప్యాక్డ్‌గా ఈ సినిమా ఆద్యంతం ఆసక్తికరంగా ఉంటుంది. దర్శకుడు లోకేష్‌ కనకరాజ్‌ ఈ చిత్రాన్ని అత్యద్భుతంగా తెరకెక్కించారు. ఆయన కెరీర్‌లోనే ది బెస్ట్‌ సినిమా అవుతుందనే నమ్మకంతో ఉన్నాం. గిరీష్‌ గంగాధరన్‌ కెమెరా పనితనం, అనిరుధ్‌ సంగీతం అన్ని వర్గాల ప్రేక్షకుల్ని ఫిదా చేస్తాయి' అని మేకర్స్‌ తెలిపారు.
ఈ చిత్రానికి దర్శకత్వం: లోకేష్‌ కనగరాజ్‌, నిర్మాతలు: కమల్‌ హాసన్‌, ఆర్‌ మహేంద్రన్‌, సంగీతం : అనిరుధ్‌ రవిచందర్‌, సినిమాటోగ్రఫీ: గిరీష్‌ గంగాధరన్‌, ఎడిటర్‌: ఫిలోమిన్‌ రాజ్‌
