అఖిల్‌ భవ్య క్రియేషన్స్‌ పతాకంపై సంపత్‌ కుమార్‌ దర్శకత్వం వహిస్తూ నటించిన ఫాంటసీ థ్రిల్లర్‌ అండ్‌ కామెడీ ఎంటర్‌ టైనర్‌ 'సురాపానం'
( కిక్‌ అండ్‌ ఫన్ అనేది ట్యాగ్‌లైన్‌).
మట్ట మధు యాదవ్‌ నిర్మించిన ఈ సినిమా సెన్సార్‌ కార్యక్రమాలు ముగించుకుని విడుదలకు సిద్ధమైంది.
ఈ సందర్భంగా దర్శక, నిర్మాతలు మాట్లాడుతూ, 'హీరో చేసిన ఒక పొరపాటు వల్ల జరిగిన పరిణామాలను ఎలా ఎదుర్కొన్నాడు అనే కథాంశాన్ని థ్రిల్లింగ్‌గా చూపిస్తున్నాం. అలాగే దీనికి హాస్యాన్ని జోడించాం. ఈ చిత్రం అన్ని వర్గాల ప్రేక్షకులను అలరిస్తుంది. ఈ తరహా సినిమా ఈ మధ్యకాలంలో రాలేదని కచ్చితంగా చెప్పగలం. ఓ భిన్న కాన్సెప్ట్‌తో ఎక్కడా రాజీపడకుండా నిర్మించిన ఈ చిత్రాన్ని భారీ స్థాయిలో జూన్‌ 10న విడుదల చేస్తున్నాం' అని తెలిపారు. ఈ చిత్రంలో హీరోయిన్‌గా ప్రగ్యా నయన్‌ నటించగా, ఇతర ముఖ్య పాత్రలలో అజరు ఘోష్‌, సూర్య , ఫిష్‌ వెంకట్‌ ,మీసాల లక్ష్మణ్‌ , చమ్మక్‌ చంద్ర , విద్యాసాగర్‌ , అంజి బాబు , మాస్టర్‌ అఖిల్‌ తదితరులు నటించారు. ఈ చిత్రానికి సంగీతం : భీమ్స్‌ సెసిరోలియో, ఫోటోగ్రఫీ : విజరు ఠాగూర్‌, ఎడిటర్‌ : జేపీ, మాటలు : రాజేంద్రప్రసాద్‌ చిరుత, సాహిత్యం : సురేష్‌ గంగుల, అలరాజు, దేవ్‌ పవర్‌, ఆర్ట్‌ : భూపతి యాదగిరి, కొరియోగ్రఫీ : సురేష్‌ కనకం, నిర్మాత : మట్ట మధు యాదవ్‌, కథ-స్క్రీన్‌ ప్లే-దర్శకత్వం :సంపత్‌ కుమార్‌.
