కథానాయకుడు రామ్‌ చరణ్‌ ప్రస్తుతం స్టార్‌ శంకర్‌ దర్శకత్వంలో ఓ భారీ చిత్రాన్ని చేస్తోన్న సంగతి తెలిసిందే. తాజాగా ఆయన హీరోగా మరో భారీ బడ్జెట్ పాన్‌ ఇండియా మూవీలో నటించబోతున్నారు. 'ఉప్పెన' వంటి బ్లాక్‌ బస్టర్‌ మూవీని తెరకెక్కించిన డైరెక్టర్‌ బుచ్చి బాబు సాన ఈ చిత్రాన్ని డైరెక్ట్‌ చేయబోతున్నారు. రామ్‌ చరణ్‌కి ఉన్న ఇమేజ్‌ను దృష్టిలో పెట్టుకుని యూనివర్సల్‌ అప్పీల్‌ ఉన్న కాన్సెప్ట్‌తో పాన్‌ ఇండియా ఎంటర్‌టైనర్‌గా ఓ పవర్‌ఫుల్‌ సబ్జెక్ట్‌ను ఆయన సిద్ధం చేశారు. ఈ సినిమాను ప్రముఖ నిర్మాణ సంస్థ మైత్రీ మూవీ మేకర్స్‌ సగర్వంగా సమర్పిస్తోంది. వృద్ధి సినిమాస్‌, సుకుమార్‌ రైటింగ్స్‌ బ్యానర్స్‌పై హై బడ్జెట్‌తో రూపొందనున్న ఈ సినిమా ద్వారా వెంకట సతీష్‌ కిలారు నిర్మాతగా సినీ నిర్మాణ రంగంలోకి అడుగు పెడుతున్నారు. ఇతర నటీనటులు, సాంకేతిక నిపుణుల వివరాలను త్వరలోనే తెలియజేస్తామని మేకర్స్‌ తెలియజేశారు.
