నవతెలంగాణ ముంబై: సినిమా, టీవీ, సెలబ్రిటీ కంటెంట్ కోసం ప్రపంచంలో అత్యంత ప్రజాదరణ పొందిన మరియు అధికారిక మూలమైన ఐఎండిబి, నేడు 2022లో అత్యంత ప్రజాదరణ పొందిన భారతీయ తారలను ప్రకటించింది. ఐఎండిబి దాని ఖచ్చితమైన టాప్ 10 జాబితాలను ఐఎండిబి యొక్క  200 మిలియన్ల కంటే ఎక్కువ ఉన్న నెలవారీ సందర్శకుల వాస్తవ పేజీ వీక్షణల ఆధారంగా నిర్ణయిస్తుంది. ది గ్రే మ్యాన్ మరియు తిరుచిత్రంబలం వంటి బహుభాషా చిత్రాల విజయవంతమైన విడుదలలతో అభిమానుల ఆసక్తిని పెంచి ధనుష్ ఈ సంవత్సరంలో అగ్రస్థానం పొందిన సెలబ్రిటీ.
ఐఎండిబి ప్రకారం 2022లో అత్యంత ప్రజాదరణ పొందిన భారతీయ తారలు
    1. ధనుష్
    2. అలియా భట్
    3. ఐశ్వర్య రాయ్ బచ్చన్
    4. రామ్ చరణ్ తేజ
    5. సమంతా రూత్ ప్రభు
    6. హృతిక్ రోషన్
    7. కియారా అద్వానీ
    8. ఎన్.టి. రామారావు జూనియర్
    9. అల్లు అర్జున్
    10. యష్
       2022లో ఐఎండిబి టాప్ 10 అత్యంత జనాదరణ పొందిన భారతీయ తారల జాబితాలో స్థానం పొందిన తారలు 2022 అంతటా ఐఎండిబి వీక్లీ ర్యాంకింగ్ చార్ట్‌లో స్థిరంగా అత్యధిక ర్యాంక్‌ పొందిన వారు. ఈ ర్యాంకింగ్‌లు ఐఎండిబికి ప్రపంచవ్యాప్తంగా ఉన్న 200 మిలియన్ల కంటే ఎక్కువ నెలవారీ సందర్శకుల వాస్తవ పేజీ వీక్షణల ఆధారంగా ఉంటాయి.
        "ప్రపంచవ్యాప్తంగా ఉన్న ప్రజలు భారతీయ సినిమా, వెబ్‌సిరీస్, తారల గురించి మరింత తెలుసుకోవడానికి ఐఎండిబిపై ఆధారపడి ఉన్నారు. మా టాప్ 10 ప్రముఖ భారతీయ తారల జాబితా ప్రపంచ ప్రజాదరణను నిర్ణయించడానికి, కెరీర్ మైలురాళ్ళు, పురోగతి క్షణాలను గుర్తించడానికి బెంచ్‌మార్క్‌గా స్థిరపడింది" అని యామినీ పటోడియా, ఐఎండిబి ఇండియా హెడ్ చెప్పారు. “వివిధ ప్రాంతాలలోని కళాకారులు ప్రపంచవ్యాప్తంగా వేడుకలు చేసుకుంటున్నారు, ఇది దేశవ్యాప్తంగా ఉన్న ప్రతిభకు నిదర్శనం. ధనుష్ వంటి నటులు గుర్తింపు పొంది, ర్యాన్ గోస్లింగ్, క్రిస్ ఎవాన్స్ వంటి హాలీవుడ్ తారలతో జతకడుతుండగా, మనం  ఎన్. టి. రామారావు జూనియర్, రామ్ చరణ్ తేజ మహత్తర చిత్రం ఆర్ఆర్ఆర్ వంటి చిత్రాలకు కూడా సాక్షులైయ్యాము. నటి ఐశ్వర్య రాయ్ బచ్చన్ సినిమాల్లోకి తిరిగి రావడం విమర్శకులు, అభిమానుల నుండి విస్తృతమైన ప్రశంసలను అందుకుంది. ఐఎండిబితో ప్రత్యేకంగా మాట్లాడుతూ, అలియా భట్ ఈ సంవత్సరం జాబితాలో తన పేరు చేర్చినందుకు తన ప్రశంసలను ఇలా పంచుకుంది, “ నాకు ఇంతవరకు సినిమాల్లో మరపురాని సంవత్సరం 2022- ఈ సంవత్సరం నా సినిమాలన్నిటికి  ప్రేక్షకులు అందించిన ప్రేమకు నేను ఎప్పటికీ ధన్యవాదములు చెపుతున్నాను. కృతజ్ఞతతో కూడియున్నాను. మన దేశంలోని అత్యుత్తమ చిత్రనిర్మాతలు, కళాకారులతో కలిసి పనిచేసినందుకు గౌరవంగా భావిస్తున్నాను. ఐఎండిబి ప్రజల స్వరానికి నిజమైన నిదర్శనం, నేను కెమెరా గలిగినంత కాలం ప్రేక్షకులను అలరించగలనని ఆశిస్తున్నాను! చాలా ప్రేమతో మరోసారి ధన్యవాదాలు."
ఈ సంవత్సరం అత్యంత ప్రజాదరణ పొందిన తారల గురించి అదనపు సమాచారం:
·       ధనుష్ (నం. 1) 2022లో ఐదు టైటిల్స్‌లో కనిపించాడు. నెట్‌ఫ్లిక్స్ ఒరిజినల్ ది గ్రే మ్యాన్ తమిళంలో మారన్, తిరుచిత్రంబలం, నానే వరువెన్, వాతి విడుదలయ్యాయి.
·       ఎస్. ఎస్.   రాజమౌళి యొక్క మహత్తర  RRR (రైజ్ రోర్ రివోల్ట్) లో ప్రధాన తారాగణం—ఆలియా భట్ (నం. 2), రామ్ చరణ్ తేజ (నం. 4), ఎన్. టి.  రామారావు జూనియర్ (నం. 8)-అందరూ జాబితాలోకి ప్రవేశించారు.