కమల్‌ కామరాజు, అపర్ణాదేవి ప్రధాన పాత్రల్లో 9 ఈఎం ఎంటర్టైన్మెంట్స్‌, ఐఆర్‌ మూవీస్‌ బ్యానర్లుపై సంయుక్తంగా విజయ్‌ కుమార్‌ పైండ్ల నిర్మిస్తున్న చిత్రం 'సోదర సోదరీమణులారా...'.
నూతన దర్శకుడు రఘుపతి రెడ్డి రచన, దర్శకత్వంలో ఆకట్టుకునే టైటిల్‌తో రూపొందిన ఈ చిత్రం ఇటీవలే చిత్రీకరణ పూర్తి చేసుకుంది. పక్కా స్క్రిప్ట్‌తో పెర్ఫెక్ట్‌ ప్లానింగ్‌తో 35 రోజుల్లో తెరకెక్కిన ఈ సినిమా హార్ట్‌ టచింగ్‌ ఫ్యామిలీ డ్రామాగా ప్రేక్షకులను అలరించనుంది.
గణతంత్ర దినోత్సవ శుభాకాంక్షలు తెలుపుతూ చిత్ర బృందం ఫస్ట్‌ లుక్‌ను విడుదల చేసింది. సిస్టర్స్‌ అండ్‌ బ్రదర్స్‌ టాగ్‌ లైన్‌తో కమల్‌ కామరాజు, అపర్ణాదేవి ఎమోషనల్‌ లుక్‌తో ఉన్న ఈ చిత్ర ఫస్ట్‌ లుక్‌ పోస్టర్‌ చూడగానే ఆకట్టుకుంటుంది. టైటిల్‌, పోస్టర్‌తోనే అందరూ అన్వయించుకొనే పాత్రలతో రియాలిస్టిక్‌ డ్రామాగా ఈ సినిమా ఉండనుంది అనే ఫీలింగ్‌ కలిగిస్తుంది. ప్రస్తుతం పోస్ట్‌ ప్రొడక్షన్‌ కార్యక్రమాలు జరుపుకుంటున్న ఈ చిత్రాన్ని సమ్మర్‌లో విడుదల చేయనున్నారు. 3 పాటలున్న ఈ చిత్రానికి మదీన్‌ ఎస్‌. కె సంగీతం అందిస్తుండగా, మోహన్‌ చారి కెమెరామెన్‌గా, వంశీ కృష్ణ సి.హెచ్‌ ఎడిటర్‌గా బాధ్యతలు నిర్వహిస్తున్నారు.
