నవతెలంగాణ-కుల్కచర్ల
కుల్కచర్ల మండలంలో తాజాగా మరో 3కరోనా పాజిటివ్‌ కేసులు నమోదైనట్టు మండల వైద్యాధికారి డాక్టర్‌ మురళీ కృష్ణ, కమ్యూనిటీ హెల్త్‌ అధికారి చంద్రప్రకాష్‌ తెలిపారు. ఆదివారం మండల ప్రాథమిక ఆరోగ్య కేంద్రంలో 31మందికి కరోనా నిర్ధారణ పరీక్షలు చేయగా 3 కరోనా పాజిటివ్‌ కేసులు నమోదైనట్టు వారు తెలిపారు. ఈ సందర్భంగా పాజిటివ్‌ వచ్చిన వారి ఇంటికి వెళ్లి తీసుకోవాల్సిన జాగ్రత్తలు వివరించారు. ప్రతి ఒక్కరూ అప్రమత్తంగా ఉంటూ తప్పనిసరిగా మాస్కులు ధరిస్తూ బౌతిక దూరం పాటించాలన్నారు.