- జడ్పీ మాజీ ఫ్లోర్‌ లీడర్‌ ఏనుగు జంగారెడ్డి
- కాంగ్రెస్‌లో చేరికలు
నవతెలంగాణ-కందుకూరు
అధికార టీఆర్‌ఎస్‌ పార్టీని ప్రజలు గద్దె దింపే రోజులు దగ్గర పడ్డాయని జడ్పీ మాజీ ఫ్లోర్‌ లీడర్‌ ఏనుగు జం గారెడ్డి అన్నారు. కందుకూరు మండలం గుల్ల బండ తండా నుంచి ఇతర పార్టీలకు చెందిన 20 మంది గిరిజన యువకులు ఆయన సమక్షంలో కాంగ్రెస్‌లో చేరారు. ఈ సందర్భంగా ఆయన మాట్లాడుతూ అధికార టీఆర్‌ఎస్‌, బీ జేపీ పార్టీలు అధిక ధరలు పెంచి ప్రజల నడ్డి విరుస్తు న్నారని మండిపడ్డారు. కేంద్రం ప్రభుత్వం పెట్రోల్, డీజిల్, గ్యాస్‌ సిలిండర్ల ధరలు, పప్పు, ఉప్పు, నూనె చింతపండు నిత్యావసరాల ధరలు పెంచి సామాన్యులు బతకడానికి వీలు లేకుండా చేస్తున్నారని విమర్శించారు. రాష్ట్ర ప్రభుత్వం రైతుల పేరు చెప్పుకుంటూ రైతులను మోసం చేస్తున్నారని ఆరోపించారు. కాంగ్రెస్‌ ప్రభుత్వం అధికా రంలో ఉన్న సమయంలో పేదవాళ్లకు ఇల్లు, రేషన్‌, తక్కువ ధరకే విద్యుత్‌, గ్యాస్‌ సిలిండర్లు , సరఫరా చేసినట్టు తెలిపారు. కేంద్ర, రాష్ట్ర ప్రభుత్వాలను ప్రజలు ఇంటికి సాగనంపే రోజులు దగ్గరపడ్డాయని అన్నారు. కాంగ్రెస్‌ కార్యకర్తలు కేంద్ర, రాష్ట్ర ప్రభుత్వ వైఫల్యాలను ఎండగట్టి ప్రజలను చైతన్యవంతులుగా చేయాలని కోరారు. ఈ కార్యక్రమంలో సహకార సంఘం మాజీ చైర్మెన్‌ సరికొండ మల్లేష్‌, నాయకులు శీను పాల్గొన్నారు.
