- గూడూరు గ్రామ సర్పంచ్‌ సత్తయ్య
నవతెలంగాణ- కొత్తూరు
ప్రతిఒక్కరూ ఆధ్యాత్మిక చింతన అలవర్చుకోవాలని గూడూరు గ్రామ సర్పంచ్‌ సత్తయ్య అన్నారు. గూడూరు గ్రామంలో నిర్మించ తలపెట్టిన కాశీ విశ్వేశ్వర దేవాలయ నిర్మాణం పనులకు దాతలు తమ వంతు సాయంగా అం దించేందుకు ముందుకు వస్తున్నారు. మంగళవారం గూ డూర గ్రామానికి చెందిన కుమ్మరి సత్తయ్య వారి కుమారులు దేవాలయ నిర్మాణం కోసం లక్ష 11 వందల రూపాయలను విరాళంగా అందజేశారు. ఈ సందర్భంగా ఆయన మాట్లాడుతూ.. ఆలయ నిర్మాణంలో పాలుపంచు కోవడం అదృష్టంగా భావిస్తున్నామని అన్నారు. దేవాలయ నిర్మాణానికి విరాళాల అందజేస్తున్న ప్రతి ఒక్కరికీ ఆయన ధన్యవాదాలు తెలిపారు. కార్యక్రమంలో ఉపసర్పంచ్‌ దయానంద్‌ గుప్తా, చేగుర్‌ పిఎసిఎస్‌ వైస్‌ చైర్మన్‌ ము న్నూరు పద్మారావు, దేవాలయ కమిటీ సభ్యులు తదితరులు పాల్గొన్నారు.