- ఎంపీటీసీల ఫోరం మండల అధ్యక్షులు రవీందర్‌ రెడ్డి
నవతెలంగాణ-కొత్తూరు
క్రీడలతో శారీరక వికాసం కలుగుతుందని ఎంపీటీసీల ఫోరం మండల అధ్యక్షులు రవీందర్‌రెడ్డి అన్నారు. ఆదివారం ఆయన మండలంలోని కోడిచెర్ల గ్రామపంచాయతీ పరిధిలో రెండు రోజులపాటు జరిగిన కేపీఎల్‌ ప్రీమియర్‌ లీగ్‌ క్రికెట్‌ టోర్నమెంట్‌ ముగింపు కార్యక్రమంలో పాల్గొని విజేతలకు బహుమతులు అందజేశారు. ఈ సందర్భంగా ఆయన మాట్లాడుతూ.. క్రీడల వలన శారీరక దృఢత్వంతో స్నేహ భావాన్ని పెంపొందిస్తాయని అన్నారు. క్రీడల్లో గెలుపోటములు సహజమని తెలిపారు. విద్యార్థులు క్రీడల పట్ల మ క్కువ చూపేలా తల్లిదండ్రులు, ఉపాధ్యాయులు ప్రోత్సహించాలని అన్నారు. ఈ కార్యక్రమంలో పాషాబారు, శరత్‌రెడ్డి, శేఖర్‌యాదవ్‌, శివశంకర్‌రెడ్డి, జంగయ్యయాదవ్‌, నరసింహగౌడ్‌, యాదయ్య, చంద్రశేఖర్‌రెడ్డి, నరేంద ర్‌రెడ్డి, సురేష్‌, రాఘవేందర్‌రెడ్డి, క్రీడాకారులు, గ్రామస్తులు పాల్గొన్నారు.
