- బీఆర్‌ఎస్‌ మండల ప్రధాన కార్యదర్శి కాట్రొత్‌ బహదూర్‌
- బీఆర్‌ఎస్‌ గ్రామాధ్యక్షులుగా బెల్లీ గోపాల్‌ , యువజన విభాగం గ్రామాధ్యక్షులుగా వంగాల సందీప్
నవతెలంగాణ-మంచాల
పార్టీలో కష్టపడి పనిచేసే వారికి తగిన గుర్తింపు లభిస్తుందని బీఆర్‌ఎస్‌ మండల ప్రధాన కార్యదర్శి కాట్రోత్‌ బహదూర్‌ అన్నారు. మంగళవారం మండల పరిధిలోని చెన్నరెడ్డిగూడ గ్రామంలో బీఆర్‌ఎస్‌ గ్రామ శాఖ, బీఆర్‌ఎస్‌ యువజన విభాగం గ్రామ శాఖలు ఏకగ్రీవంగా ఎన్నుకున్నట్టు తెలిపారు. ఈ సందర్భంగా ఆయన మాట్లాడుతూ తెలంగాణ రాష్ట్రంలో ప్రవేశపెట్టిన సంక్షేమ పథకాలు ఏ రాష్ట్రంలో లేవని, అందుకే సీఎం కేసీఆర్‌కు రాష్ట్ర ప్రజలు బ్రహ్మరథం పడు తున్నారని అన్నారు. ఇబ్రహీంపట్నం నియోజకవర్గం అభివృద్ధి ప్రదాత మంచిరెడ్డి కిషన్‌రెడ్డి కుమారుడు బీఆర్‌ఎస్‌ రాష్ట్ర నాయకులు మంచిరెడ్డి ప్రశాంత్‌రెడ్డి చేపట్టిన ప్రగతి నివేదిక యాత్రను జయప్రదం చేయాలని కోరారు.
చెన్నరెడ్డిగూడ గ్రామంలో బీఆర్‌ఎస్‌ నూతన గ్రామ కమిటీని ఏకగ్రీవంగా ఎన్నికయింది.ఈ కమిటీలో గ్రామ శాఖ అధ్యక్షులుగా బెల్లీ గోపాల్‌, కార్యదర్శిగా జొన్నల గడ్డ అనిల్‌ కుమార్‌, యువజన విభాగం అధ్యక్షులుగా వంగాల సందీప్, కార్యదర్శిగా రమావత్‌ రవిలను ఎన్నుకున్నట్టు తెలిపారు. ఈ కార్యక్రమంలో ఎం. వెంకటేష్‌, రాజు నాయక్‌, జె.లక్ష్మానాయక్‌, పి.జంగయ్య, కె.చందు, సీహెచ్‌. శంకర్‌, వార్డు సభ్యులు శంకర్‌, బాలు, బుగ్గ రాములు, మోతు, వినోద్‌, మహేష్‌, జె. మహేష్‌, జగదీష్‌, భవన్‌, రాజు, లాలు తదితరులు పాల్గొన్నారు.
