న్యూఢిల్లీ : కోవిడ్‌-19 దెబ్బకు ఆసియా పారా క్రీడలు సైతం వాయిదా పడ్డాయి. ఈ ఏడాది అక్టోబర్‌ 9-15 వరకు హౌంగ్జౌ నగరంలో ఆసియా పారా క్రీడలు జరగాల్సి ఉంది. హౌంగ్జౌ ఆసియా క్రీడలు సైతం వాయిదా పడిన సంగతి తెలిసిందే. ' హౌంగ్జౌ 2022 ఆసియా పారా క్రీడల నిర్వహణ కమిటీ, ఆసియా పారాలింపిక్‌ కమిటీ ఈ రోజు ఆసియా పారా క్రీడల వాయిదా నిర్ణయం తీసుకున్నాయి. ఆసియా క్రీడల రీ షెడ్యూల్‌ అనంతరం ఆసియా పారా క్రీడల తేదిలను వెల్లడించనున్నారు. ఆసియా పారా క్రీడల్లో సుమారు 4000 మంది అథ్లెట్లు, 22 క్రీడల్లో 616 పతక ఈవెంట్లలో పోటీపడనున్నారని అంచనా.