దోహా : ఫిఫా ప్రపంచకప్‌లో ఆతిథ్య జట్టు ఖతార్‌కు వరుసగా రెండో పరాజయం. గ్రూప్‌-ఏ ఆరంభ మ్యాచ్‌లో తేలిపోయిన ఖతార్‌ తాజాగా గ్రూప్‌ దశలో రెండో మ్యాచ్‌లో చేతులెత్తేసింది. సెనెగల్‌తో పోరులో 1-3తో పరాజయం పాలైంది. ఆతిథ్య ఖతార్‌ తరఫున మహ్మద్‌ ముంతారి 78వ నిమిషంలో ఏకైక గోల్‌ నమోదు చేయగా.. సెనెగల్‌ తరఫున 41వ నిమిషంలో బౌలయ దియ, 48వ నిమిషంలో ఫమార, 84వ నిమిషంలో బాంబలు గోల్స్‌ కొట్టారు. వరుసగా రెండో ఓటమితో గ్రూప్‌-ఏ పాయింట్ల పట్టికలో ఖతార్‌ అట్టడుగు స్థానంలో నిలిచింది.