- 'ఏమైపోతుంది దేశం' ఆల్బమ్‌ ఆవిష్కరణలోతమ్మినేని
నవతెలంగాణబ్యూరో-హైదరాబాద్
ప్రజల్లో చైతన్యం నింపే పాటలు సమాజానికి ఎంతో అవసరమని సీపీఐ(ఎం) రాష్ట్ర కార్యదర్శి తమ్మినేని వీరభద్రం అన్నారు. ప్రజలందరూ సమానం అనే భావన పెంపొందించేలా సామాజిక స్నృహ రగిలించే పాటలు మరిన్ని రావాల్సిన అవసరముందని ఆకాంక్షించారు. వైభవ్‌ ట్యూన్స్‌ రూపొందించిన 'ఏమైపోతుంది దేశం' ఆల్బమ్‌ను మంగళవారం హైద్రాబాద్‌లోని ఎంబీభవన్‌లో తమ్మినేని ఆవిష్కరించారు. దేశంలోని ప్రస్తుత పరిస్థితులకు 'ఏమైపోతుంది దేశం' పాట అద్దం పడుతుందని చెప్పారు. పాట రచయిత అజరు కుమార్‌, సింగర్‌ కోట అంజితోపాటు వైభవ్‌ ట్యూన్స్‌ బృందాన్ని తమ్మినేని అభినందించారు. ఈ కార్యక్రమంలో నవ తెలంగాణ సీజీఎం పి. ప్రభాకర్‌, సీఐటీియు రాష్ట్ర ప్రధాన కార్యదర్శి పాలడుగు భాస్కర్‌, టీడబ్ల్యుజేఎఫ్‌ రాష్ట్ర ఉపాధ్యక్షులు గుడిగ రఘు, ఈ.చంద్రశేఖర్‌, రాష్ట్ర కార్యదర్శి భట్టిపాటి రాజశేఖర్‌, రాష్ట్ర నాయకులు బీవీఎన్‌ పద్మరాజు, అనంతోజు మోహన్‌ కృష్ణ తదితరులు పాల్గొన్నారు.
