- చెల్పూర్‌లో నిత్య జాతీయ గీతాలాపన హాజరైన
- ఎస్పీ సురేందర్‌ రెడ్డి, ఎమ్మెల్యే గండ్ర వెంకటరమణారెడ్డి
నవతెలంగాణ-గణపురం
ఒక్క సీసీ కెమెరా 100 మంది పోలీసులతో సమానమని భూపాలపల్లి ఎస్పీ సురేందర్‌ రెడ్డి. ఎమ్మెల్యే గండ్ర వెంకట రమణారెడ్డి పేర్కొన్నారు. సోమవారం మండలంలోని చెల్పూరు గ్రామ బస్టాండులో నిత్య జాతీయ గీతాలాపన కార్యక్ర మం చేసిన అనంతరం 45 సీసీ కెమెరాలను ప్రారంభించారు. ఈ సందర్భంగా వారు మాట్లాడుతూ నేరాలు నియంత్రణలో సీసీ కెమెరాలు ఎంతో ఉపయోగ పడతాయన్నారు. దీనికి సహకరించిన గ్రామస్తుల కృతజ్ఞతలు తెలిపారు. ప్రతి గ్రామంలో సీసీ కెమెరాలు ఏర్పాటు చేయడం వల్ల దొంగతనాలు అరికట్టవచ్చు అన్నారు. అంతేకాక ఏమైనా రోడ్డు ప్రమాదాలు జరిగితే వాళ్లను గుర్తుపట్టవచ్చు అన్నారు. దీనికి వాణిజ్యవ్యాపారవేత్తలు గ్రామస్తులు సహకరించాలన్నారు. డిఎస్‌ పి రాములు, సీఐ పులి వెంకట్‌గౌడ్‌, ఎస్సై అభినవ్‌, సర్పంచ్‌ నడిపెల్లి మధుసూ దన్‌రావు, ఎంపిటిసిలు సుధర్మ మలహల్రావు, చెన్నూరి రమాదేవి మధుకర్‌. తదితరులు పాల్గొన్నారు.
