పంజాబ్ అసెంబ్లీ ఎన్నికలు..ఆప్ తొలి జాబితా విడుదల

నవతెలంగాణ-హైదరాబాద్: పంజాబ్ అసెంబ్లీ ఎన్నికలకు ఆమ్ ఆద్మీ పార్టీ (AAP) తొలి అభ్యర్థుల జాబితాను విడుదల చేసింది. సీఎం భగవంత్ మాన్‌ ధురి అసెంబ్లీ నియోజకవర్గం నుంచి బరిలో దిగుతుున్నారు. జైలులో ఉన్న మంత్రి సంజీవ్ అరోరాకు కూడా పార్టీ టికెట్ కేటాయించింది. ఈయన లూథియానా వెస్ట్ నియోజకవర్గం నుంచి పోటీలో ఉంటున్నారు. ఫస్ట్ లిస్టులో ఇప్పటికే ఎమ్మెల్యేలుగా ఉన్న 40 మందికి పార్టీ మరోసారి అవకాశం ఇచ్చింది. సీఎం పోటీలో ఉంటున్న ధురి ఆప్‌కు కంచుకోటగా పరిగణించబడుతుంది. 2022 అసెంబ్లీ ఎన్నికలలో, మాన్ ఈ నియోజకవర్గం నుండి కాంగ్రెస్ అభ్యర్థి దల్వీర్ సింగ్ గోల్డీని 58,000 ఓట్ల తేడాతో ఓడించి ఘన విజయం సాధించారు. ఇటీవలి మున్సిపల్ ఎన్నికలలో కూడా ఈ పార్టీ బలమైన పనితీరును కనబరిచింది, ధూరి మున్సిపల్ కౌన్సిల్‌లోని 21 వార్డులలో 20 వార్డులను గెలుచుకుంది.