ఎంపీ అగా సయ్యద్ రుహుల్లా మెహదీ రాజీనామా

నవతెలంగాణ-హైదరాబాద్: శ్రీనగర్ లోక్‌సభ ఎంపీ అగా సయ్యద్ రుహుల్లా మెహదీ మంగళవారం తన పార్లమెంటరీ సీటుకు, జమ్మూ కాశ్మీర్ నేషనల్ కాన్ఫరెన్స్ (జేకేఎన్‌సీ) పార్టీకి అధికారికంగా రాజీనామా చేస్తున్నట్లు ప్రకటించారు. తన తండ్రి 26వ వర్ధంతి రోజున ఆయన ఈ ప్రకటన చేశారు. బుద్గామ్‌లోని బెహెష్త్-ఎ-జెహ్రా పార్కులో భారీ సంఖ్యలో మద్దతుదారులు గుమిగూడారు. జేకేఎన్‌సీ తమ ఎన్నికల హామీలను నెరవేర్చడంలో లేదా కనీసం వాటిపై చర్యలు తీసుకోవడంలో కూడా విఫలమైందని మెహదీ ఆరోపించిన నేపథ్యంలో ఈ పరిణామం చోటుచేసుకుంది. ఆయన నిర్ణయంతో ఒక్కసారిగా పార్టీలో విభేదాలు బయటపడ్డాయి.