ఆసియా క్రీడలు: గుల్వీర్ సింగ్ కు కాంస్య పతకం

నవతెలంగాణ-హైదరాబాద్: ఆసియా క్రీడల్లో పురుషుల 5000 మీటర్ల ఈవెంట్‌లో భారత అథ్లెట్ గుల్వీర్ సింగ్ కాంస్య పతకం సాధించారు. ఈ కాంస్యంతో, ఒకే ఆసియా క్రీడల ఈవెంట్‌లో మూడు వ్యక్తిగత పతకాలు గెలిచిన తొలి భారత పురుషుడిగా గుల్వీర్ నిలిచాడు. హోరాహోరీగా జరిగిన ఈ రేసులో గుల్వీర్ 13:32.75 సమయంతో మూడో స్థానంలో నిలిచాడు. బహ్రెయిన్‌కు చెందిన బిర్హాను బలేవ్ 13:30.79 సమయంతో స్వర్ణ పతకం గెలుచుకోగా, జపాన్‌కు చెందిన టోమోనోరి యమగుచి 13:31.43 సమయంతో రజత పతకాన్ని కైవసం చేసుకున్నాడు.