విషాదం.. ఉరేసుకుని కానిస్టేబుల్‌ ఆత్మహత్య

నవతెలంగాణ - హైదరాబాద్‌: జోగులాంబ గద్వాల జిల్లా ఎర్రవల్లి చౌరస్తాలో విషాద ఘటన చోటుచేసుకుంది. 10వ బెటాలియన్‌లో కానిస్టేబుల్‌గా విధులు నిర్వహిస్తున్న వెంకటేశ్వర్లు (27) ఇంట్లో ఉరేసుకుని బలవన్మరణానికి పాల్పడ్డాడు. కుటుంబ కలహాల కారణంగానే ఆయన ఈ అఘాయిత్యానికి పాల్పడినట్టు పోలీసులు ప్రాథమికంగా తెలిపారు. వెంకటేశ్వర్లు మృతి కుటుంబం, తోటి సిబ్బందిని తీవ్ర విషాదంలో నింపింది. ఘటనపై కేసు నమోదు చేసిన పోలీసులు దర్యాప్తు ప్రారంభించారు.