నవతెలంగాణ - భీంగల్
ఆదివారం రాత్రి నగరంలో పేకాటరాయుళ్లపై దాడి చేసి ఏగురురిని అరెస్టు చేశామని భీంగల్ ఎస్సై చిరంజీవి తెలిపారు. ఆయన తెలిపిన వివరాల ప్రకారం.. పట్టణంలోని గౌడ సంఘం వద్ద పేకాట ఆడుతున్నట్టు నమ్మదగిన సమాచారం మేరకు దాడులు చేశామని పేర్కొన్నారు. ఈ క్రమంలో ఏడుగురు పేకాట రాయుళ్లతో పాటు రూ.11,400/- నగదు, 7 ద్విచక్ర వాహనాలు, 52 పేక ముక్కలు స్వాధీనం చేసుకున్నామన్నారు. ప్రజలు ఎవరూ జూదం, పేకాట, బెట్టింగ్ వంటి చట్టవిరుద్ధ కార్యకలాపాలకు పాల్పడవద్దని చెప్పారు. ఇలాంటి కార్యకలాపాలకు పాల్పడే వారిపై చట్టప్రకారం కఠిన చర్యలు తీసుకుంటామని ఎస్ఐ హెచ్చరించారు.
కామెంట్‌లు (0)