వివాహేతర సంబంధాలు.. డీఎస్పీ అరెస్టు

నవతెలంగాణ - హైదరాబాద్‌: మహిళలతో వివాహేతర సంబంధం కారణంగా భార్య ఇచ్చిన ఫిర్యాదు మేరకు రామనాథపురం జిల్లా పరమకుడి డీఎస్పీ జాఫర్‌ సిద్ధిక్‌ను పోలీసులు అరెస్టు చేశారు. ఆయన 2020లో నిర్వహించిన గ్రూప్‌-1 పరీక్షలో ఉత్తీర్ణుడై నేరుగా డీఎస్పీగా నియమితులయ్యారు. తిరువిడైమరుదూర్‌, అరక్కోణం డీఎస్పీగా కూడా పనిచేశారు. ఈ క్రమంలో అతనికి పలువురు మహిళలతో వివాహేతర సంబంధం ఉందని, తనను చిత్రహింసలు పెడుతున్నాడని అతని భార్య డీజీపీకి ఫిర్యాదు చేశారు. విచారించిన ఉన్నతాధికారులు ఆరోపణలు నిజమని తేలడంతో జాఫర్‌ సిద్ధిక్‌ని సస్పెండ్‌తో పాటు సీబీసీఐడీ పోలీసులు అరెస్టు చేశారు.