కుటుంబ సమేతంగా తిరుమల శ్రీవారిని దర్శించుకున్న నటుడు వరుణ్‌తేజ్‌

నవతెలంగాణ - హైదరాబాద్‌: ప్రముఖ టాలీవుడ్ నటుడు, మెగా ప్రిన్స్ వరుణ్ తేజ్ కోణిదెల శుక్రవారం తన కుటుంబ సభ్యులతో కలిసి తిరుమల శ్రీవారిని దర్శించుకున్నారు. ఆయన అర్ధాంగి లావణ్య త్రిపాఠి, కుమారుడు వాయువ్‌తో కలిసి స్వామివారి సేవలో పాల్గొన్నారు. ఈ సందర్భంగా ఆలయ ప్రాంగణంలో తన చిన్న కుమారుడిని ఎత్తుకుని వరుణ్ తేజ్ వెళుతున్న దృశ్యాలు సోషల్ మీడియాలో వైరల్ అయ్యాయి. వరుణ్ తేజ్ తల్లిదండ్రులు నాగబాబు, పద్మజ, సోదరి నిహారిక కూడా శ్రీవారిని దర్శించుకున్నారు.