తెలంగాణలో పెరుగుతున్న చలి.. 11 డిగ్రీలకు పడిపోనున్న ఉష్ణోగ్రతలు!

నవతెలంగాణ - హైదరాబాద్ : తెలంగాణలో చలి తీవ్రత రోజురోజుకూ పెరుగుతోంది. రానున్న మూడు రోజుల్లో ఉష్ణోగ్రతలు మరింత తగ్గి 11 నుంచి 12 డిగ్రీలకు పడిపోయే అవకాశం ఉందని వాతావరణ శాఖ హెచ్చరించింది. దీంతో ప్రజలు ఉదయం, రాత్రి వేళల్లో బయటకు రావడానికి ఇబ్బందులు పడుతున్నారు. మంగళవారం నిర్మల్‌ జిల్లా కుబీర్‌లో అత్యల్పంగా 14.6 డిగ్రీల ఉష్ణోగ్రత నమోదైంది. హైదరాబాద్‌తో పాటు రాష్ట్రంలోని 21 జిల్లాల్లో ఉష్ణోగ్రతలు 15 డిగ్రీల కంటే తక్కువకు పడిపోయాయి.