భారీగా తగ్గిన బంగారం, వెండి ధరలు.. కొనుగోలుదారులకు ఊరట

నవతెలంగాణ - హైదరాబాద్ : బంగారం, వెండి కొనుగోలుదారులకు ఊరట లభించింది. నిన్నటి వరకు పెరుగుతూ వచ్చిన ధరలు శుక్రవారం ఒక్కసారిగా తగ్గాయి. అక్టోబర్ 30న 24 క్యారెట్ల బంగారం గ్రాముకు రూ.169 తగ్గగా, 22 క్యారెట్ల బంగారం ధర కూడా దిగివచ్చింది. దీంతో హైదరాబాద్‌, వరంగల్‌, నిజామాబాద్‌, ఖమ్మం సహా తెలుగు రాష్ట్రాల్లోని ప్రధాన నగరాల్లో 24 క్యారెట్ల బంగారం గ్రాము రూ.14,226గా, 22 క్యారెట్ల బంగారం రూ.13,040గా నమోదైంది. మరోవైపు వెండి ధర కూడా కిలోకు రూ.5 వేలు తగ్గి రూ.2.10 లక్షలకు చేరింది. హైదరాబాద్‌, విజయవాడ, విశాఖపట్నం సహా ప్రధాన నగరాల్లో ఇదే ధర కొనసాగుతోంది. అంతర్జాతీయ మార్కెట్ పరిణామాలు, అమెరికా వడ్డీ రేట్ల ప్రభావంతో బులియన్ మార్కెట్‌లో ధరలు తగ్గుతున్నాయని నిపుణులు చెబుతున్నారు. దీపావళి నాటికి ధరలు మరింత తగ్గే అవకాశం ఉందని అంచనా వేస్తున్నారు.