గ్రామాలభివృద్ధికై ప్రజావాణిలో ఫిర్యాదు

నవతెలంగాణ-మద్నూర్

మండల పరిధిలోని చిన్నతడుగూరు, ఖరగ్ గ్రామాల్లో మౌలిక సదుపాయాలు కల్పించాలని గ్రామస్థులు సోమవారం ప్రజావాణిలో ఎంపీడీవోకు ఫిర్యాదు సమర్పించారు. నూతన గ్రామ పంచాయతీ, అంగన్‌వాడీ భవనాలను నిర్మించాలని కోరారు. అదేవిధంగా ప్రభుత్వ పాఠశాలలో ఉపాధ్యాయుడిని నియమించాలని విజ్ఞప్తి చేశారు. ఈ సమస్యలను క్షేత్రస్థాయిలో పరిశీలించి, అవసరమైన నిధులు మంజూరు చేయించాలని కోరారు. కార్యక్రమంలో గ్రామస్థులతో కలిసి బండివార్ హనుమాన్లు పాల్గొన్నారు.